Bangkay ng lalaki na isiniksik sa plastic container, natagpuan sa Pasay City
Isang bangkay ng lalaki ang natagpuan na nakasilid sa isang plastic container na itim sa bahagi ng Macapagal Boulevard northbound lane sa Pasay City.
Alas 5:30 ng umaga nang makatanggap ng tawag ang Pasay police na mayroong kahina-hinalang plastic container na natagpuan sa lugar.
Sa una, inakala pa ng mga otoridad na baka bomba ang laman ng container kaya nagpatawag pa ng mga tauhan ng SWAT.
Pero nang buksan, nagulat silang bangkay ng isang lalaki ang nasa loob nito.
Maliban sa takip ng container, nilagyan pa ito ng packaging tape na inihugis ng parang krus.
Ang lalaki ay tadtad ng tattoo sa katawan at binalutan ng packaging tape ang mukha.
May taas ito na nasa 5 feet hangang 5’4 at na nakasuot ng kulay green na shorts at blue na t-shirt.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.