Suspek sa Davao blast, posibleng estudyante ni Marwan-PNP
May hinala ang Philippine National Police (PNP) na isang estudyante ng bomb expert at teroristang si Zulkifli Binhir alyas Marwan ay may kinalaman sa pagpapasabog sa Davao City noong nakaraang linggo.
Ayon sa hepe ng Southern Mindanao police na si Chief Supt. Manuel Gaerlan, matatandaang mayroon pang mga naturuan si Marwan bago ito mapatumba.
Posible aniya sa maraming mga naturuan ni Marwan ang nag-tanim ng pampasabog sa night market sa Davao City noong Biyernes na ikinasawi ng 14 katao at ikinasugat ng mahigit 60 na iba pa.
Mapapansin rin aniya na terorismo talaga ang intensyon ng mga suspek dahil target talaga nilang masaktan ang maraming tao.
Sa ngayon ay sinisiyasat na ng Special Investigation Task Force ng Philippine National Police ang mga estilo ng mga suspek sa Davao bombing, para ikumpara sa mga ginagawa ng mga grupong nagkaroon ng kaugnayan kay Marwan.
Matatandaang napatay si Marwan sa Mamasapano, Maguindanao sa operasyon ng PNP Special Action Force, Enero ng taong 2015.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.