Dalawang hinihinalang miyembro ng gun-for-hire syndicate, arestado sa checkpoint sa QC
Arestado ang dalawang lalaking hinihinalang miyembro ng gun-for-hire group makaraang mahulihan ng baril sa isang checkpoint sa Quirino Highway sa Brgy. Balon Bato, Quezon City.
Kinilala ang mga suspek na sina Gerardo Babiera, 42-anyos at Darwin Dimaano, 46-anyos, kapwa residente ng nasabing barangay.
Nabatid na nagsagawa ng “Oplan Sita” ang mga operatiba ng District Public Safety Battalion ng QCPD sa Quirino Highway nang mapansin ang dalawang lalaking sakay ng isang motorsiklo na hindi nakasuot ng helmet.
Agad silang sinita ng mga pulis at nang kapkapan ay nakuha kay Babiera ang isang kalibre 45 na baril.
Nakuha naman sa bulsa ni Dimaano ang limang bala ng kalibre 45.
Bukod dito, natuklasan pa na may nakabinbing warrant of arrest si Dimaano.
Ngayon ay inaalam na ang background ng mga suspek at kung ang mga ito nga ba ay miyembro ng isang gun-for-hire syndicate.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.