Hinihinalang biktima ng salvage, natagpuan sa Norzagaray Bulacan
Isang bangkay ng hindi nakilalang lalaki ang natagpuan sa Angat Watershed, Sitio Suha, Barangay San Mateo, Norzagaray, Bulacan.
Ayon kay Barangay Captain Federico Cruz ng Barangay San Mateo, isang dumaraan sa lugar ang nagsabi sa kanila na may patay sa lugar pasado alas 4:00 ng madaling-araw ng Huwebes.
Nakasuot ng kulay pulang shorts ang biktima at gray na T-shirt at may tama ng bala sa kaliwang mata.
May iniwan din ma karatula ang mga suspek na “Pusher ako wag tuluran”.
Tinatayang nasa 5’5 hanggang 5’7 ang taas, payat ang pangangatawan at nasa 30 hanggang 35 anyos.
Nakarecover naman ang pulisya ng tatlong basyo ng bala para sa kalibre 9mm pistol.
Sa ngayon nagsasagawa pa ng imbestigasyon ang mga otoridad upang mabatid kung sino ang suspek at para makilala ang biktima.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.