FM station, nagulat umano sa pagkakasangkot ng kanilang DJ sa drugs
Binasag na ng FM radio station na RX 93.1 ang kanilang katahimikan kaugnay sa pagkaka-aresto ng isa nilang disc jockey na si Karen Bordador dahil sa iligal na droga.
Sa inilabas na pahayag ng RX, sinabi nilang ikinagulat nila ang mga nangyari.
Ayon pa sa kanila, hindi nila nakitaan si Bordador ng anumang indikasyon na ito ay gumagamit ng anumang ipinagbabawal na gamot.
Kaugnay pa nito, iginiit ng nasabing FM radio station na kinokondena nila ang paggamit ng iligal na droga at hindi nila kinukunsinte ang ganitong iligal na aktibidad.
Pero ngayong sinampahan na ng kaso si Bordador, naniniwala ang kumpanya na mailalabas rin ng imbestigasyon ang katotohanan sa isyu.
Samantala, nagpasalamat naman sila sa kanilang mga tagapakinig sa loob ng nakalipas na ilang dekada at tiniyak nilang iingatan nila ang tiwalang ibinigay sa kanila ng mga ito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.