2 ang patay kabilang ang isang AWOL na pulis sa anti-illegal drugs operation sa Bulacan
Patay ang isang AWOL na pulis sa isinagawang operasyon ng mga otoridad sa Bocaue, Bulacan.
Isang buy-bust operation ang ikinasa ng mga pulis subalit nakatunog umano ang suspek kaya nanlaban ito sa mga otoridad.
Kinilala ang suspek sa pamamagitan ng narecover na ID bilang si PO1 Franco Sagudang na isa umanong AWOL na pulis na naging tulak na ng droga.
Si Sagudang ay nakatalaga sa Regional Safety Battalion sa Camp Olivas, San Fernando Pampanga.
Nadawit na si Sagudang sa ilang kasong may kaugnayan sa droga noong taong 2014 at 2015.
Nagpositibo din ang suspek sa isinagawang drug test noong January 2016 bago siya nag-AWOL sa serbisyo.
Samantala, sa Marilao, Bulacan, patay ang isang lalaki matapos na manlaban sa isinagawang buy-bust operation ng mga pulis.
Napansin umano ng suspek na si Michael Bonifacio na pulis pala ang katransaksyon niya sa droga, dahilan para magpaputok siya ng baril, pero naunahan na siya ng mga otoridad.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.