1 patay sa pagsabog sa isang restaurant sa Germany
Isa ang patay at labingisa pa ang sugatan matapos ang pagsabog na naganap sa isang café sa Ansbach City sa Germany.
Naganap ang pagsabog linggo ng gabi sa Germany malapit sa Nuermberg.
Patuloy pa ang imbestigasyon, pero isa sa mga tinitignang dahilan ay gas explosion.
Matapos ang pagsabog, ipinagpaliban ang pagdaraos ng isang concert malapit sa lugar na inaasahang dadaluhan ng mahigit dalawang libong katao.
Magugunitang mataas pa rin ang alerto sa Germany matapos ang insidente ng pananaksak ng isang teenager sa mga pasahero ng tren kamakailan.
Noong Biyernes, siyam na katao naman ang nasawi sa insidente ng pamamaril sa isang shopping center sa Munich.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.