Apela ng palasyo: Iwasan ang mararahas na rally sa SONA ni Duterte
Umaapela ang palasyo ng Malakanyang sa mga militanteng grupo na huwag nang sabayan ng mararahas na protesta ang State of the Nation Address (SONA) ni Pangulong Rodrigo Duterte.
Ayon kay Department of Finance (DOF) Undersecretary Paola Alvarez na siya ring tagapangasiwa ng SONA ng pangulo, kung mayroon mang hinaing ang mga militanteng grupo, dapat gawin ito sa mapayapang paraan.
Inihalimbawa ni Alvarez ang inagurasyon ng pangulo noong June 30 kung saan matapos makapanumpa sa Malakanyang, pinatawag, kinausap at pinapasok ng pangulo sa palasyo ang mga kinatawan ng militanteng grupo.
“For the security matters, of course, we leave that to his PSG but as our President has always said sana kapag kung tayo ay meron mang hinaing, let us do it peacefully. As previously during his inauguration, he was welcoming and he was open to talking to them. So instead of staging rallies like before, maybe it is better if we talk to him na lang on a separate occasion and he listens naman. So we hope that our militant groups would also do the same. So that would be a better communication,” ayon kay Alvarez.
Bukas naman aniya ang pangulo na makipag-usap sa mga makakaliwang grupo.
Sa halip aniya na mag-rally, mas makabubuting kausapin ang pangulo sa hiwalay na okasyon dahil handa naman ang pangulo na sila ay pakinggan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.