Truck driver na sumagasa sa 4 na estudyante sa Maynila, nakilala na
Nakilala na ng Manila Police District ang drayber ng truck na walang habas na sumagasa sa apat na estudyante sa Maynila noong nakaraang linggo.
Naglabas ang MPD ng litrato ng drayber na nakilalang si Jose Rafael Lubong.
Ayon kay Senior Inspector Arnold Sandoval, hepe ng Investigation Traffic Bureau ng MPD, inihahanda na nila ang mga kasong isasampa laban kay Lubong.
Kabilang sa mga kasong isasampa laban sa drayber ay ‘abandoning person in danger’ at ‘reckless imprudence resulting to multiple physical injuries’.
Nabatid na tumakas si Lubong matapos sagasaan ang apat na estudyante na naglalakad sa bangketa sa panulukan ng Concepcion at Legarda street sa Maynila, Biyernes ng umaga.
Ngayon ay nagsasagawa na ng manhunt operation ang MPD laban kay Lubong.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.