METRO MANILA, Philippines— Sa bisperas ng bagong taon inaasahan na matutuldukan ang pagtaas ng presyo ng mga produktong petrolyo at mapapalitan ng bawas-presyo.
Sinabi ni Assistant Dirrector Rodela Romero ng Department of Energy – Oil Management Bureau na maaring matapyasan ng 30 centavos hanggang 65 centavos ang presyo ng kada litro ng gasolina.
Ang krudo o diesel naman, sabi pa ni Romero, ay maaring bumaba ang presyo ng 30 centavos hanggang 55 centavos at ang kerosene o gaas naman ay 80 centavos hanggang 90 centavos ang maaring ibaba.
BASAHIN: Mas mura ang kuryente mula sa nuclear energy – JV Ejercito
Dagdag pa ng opisyal, maari pang magbago ang magiging paggalaw sa mga presyo at malalaman lamang ang pinal na ibaba ng halaga ng mga produktong-petrolyo sa darating na Lunes.
Ang pagbabago sa mga presyo ay bunga ng paggalaw ng halaga ng langis sa pandaigdigang merkado.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.