Presyo ng baboy, manok maaaring tumaas sa Pasko – DA
METRO MANILA, Philippines — Hindi isinasantabi ng Department of Agriculture (DA) ang pagtaas ng presyo ng mga karne ng baboy at manok ngayong Kapaskuhan.
Sinabi ni Agriculture Secretary Francis Tiu-Laurel na kung madadagdagan ang presyo ng mga karne ng baboy at manok ay magiging maliit lamang.
Tiniyak niya na may sapat na suplay ng mga karne sa bansa sa kabila nang pagtaas sa pangangailangan sa mga ito tuwing Kapaskuhan.
BASAHIN: Stable food supply sa Pasko tiniyak ng DA
Ilang buwan nang pinagplanuhan ng kagawaran maging ng mga negosyante ang suplay ng mga karne sa pagtatapos ng taon.
Nakatulong naman sabi ng DA ang importasyon ng karne ng baboy para maging sapat ang suplay.
Samantala, sinabi ni Tiu-Laurel na hindi magtatakda ng price cap sa litson dahil maituturing itong luho.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.