PhilHealth contribution inihirit ni Ejercito na ibaba sa 3%
METRO MANILA, Philippines — Hinimok ni Sen. JV Ejercito nitong Linggo ang Philippine Health Insurance Corp. (PhilHealth) na pag-aralan kung maaring ibaba sa 3% ang kontribusyon ng mga miyembro nito.
Ginawa ito ni Ejercito bunsod na rin ng deklarasyon ng PhilHealth ukol sa bilyong-bilyong pisong nitong sobra-sobrang pondo.
Ang pagtapyas sa kontribusyon ay inirekomenda ni ni Senate Minority Leader Aquilino “Koko” Pimentel III sa deliberasyon sa panukalang amyendahan ang Universal Health Care Law.
BASAHIN: PhilHealth may P500B para sa benepisyo ng mga miyembro – Recto
Ayon kay Ejercito, hinihintay niya ang tunay at kumpletong komputasyon ng PhilHealth para malaman kung maaari talang ibaba ang kontribusyon ng mga miyembro.
At aniya makakatulong kung ipag-uutos na ito ni Pangulong Marcos Jr., habang tinatalakay pa ang kanyang panukala.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.