Pasok sa gobyerno at klase sa public schools sa Metro Manila sa hapon, sinuspinde ng Palasyo

Sinuspinde ng malakanyang ang pasok sa mga ahensya ng gobyerno at mga klase sa public school sa Metro Manila ngayong hapon.

Nakasaad sa Memorandum Circular no. 2 na pirmado ni Executive Secretary Salvador Medialdea na dahil sa rekomendasyon ng National Risk Reduction and Management Council at patuloy na masamang panahon dahil sa Bagyong Butchoy ay suspended ang trabaho sa mga government agencies at public school classes all levels sa National Capital Region epektibo ala una ng hapon.

“upon the recommendation of the National Risk Reduction and Manangement Council (NDRRMC), and in view of the continuing inclement weather brought by typhoon “Butchoy,” work in government offices and classes in public schools at all levels in the national capital region, are hereby suspended effective 1:00 pm today 08 july 2016,” nakasaad sa memorandum ng malakanyang.

Pero sinabi ni Medialdea na may pasok pa rin sa mga ahensya ng pamahalaan na ang trabaho ay magbigay ng basic and health services, nasa disaster preparedness and response at ibang serbisyo.

Dagdag ng opisyal ng Palasyo, ipinaubaya na nila sa mga pribadong kumpanya at eskwelahan kung magsuspinde rin sila ng panghapong trabaho at klase.

Una rito kaninang umaga ay ilang eskwelahan, lokal na pamahalaan at unibersidad sa Metro Manila at kalapit na lalawigan ang nagkansela na ng mga klase.

TAGS: Palasyo, pasok sa lokal na pamahalaan suspendido, pasok sa unibersidad suspendido, Pasok suspendido, Palasyo, pasok sa lokal na pamahalaan suspendido, pasok sa unibersidad suspendido, Pasok suspendido