3 magpipinsan patáy nang tamaan ng kidlát sa Bulacan
METRO MANILA, Philippines — Patáy ang tatlóng magpipinsan nang tamaan silá ng kidlát sa gitnâ ng bukid sa Pulilan, Bulacan noong nakaraang Miyerkules, ika-5 ng Hunyo.
Ayon sa imbestigaysón ng pulís, naglalarô siná Rexter Enriquez, 16; Rocsan Enriquez, 12; at April Almoradie, 11 — pawang mga residente ng Barangay Inaon — nang maganáp ang insidente kasabáy ng malakás na buhos ng ulán.
Hindí naman nasaktán ang limá sa kaniláng mga kalarô.
Tinamaan din ng kidlát ang isáng basketball backboard at nahatì din ang isang punò ng manggá.
Isinugod pa sa Dr. Magdalena Reyes Hospital ang tatlóng biktima ngunit pare-parehong hindí na umabót ng buháy.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.