Isa na namang holdaper-pusher, tumba sa Tondo, Maynila
Patay ang isang notorius na holdaper-pusher sa Moriones, Tondo Maynila, matapos makipagbarilan sa pulis sa isinagawang drug buy-bust operation ng Manila Police District.
Ang suspek ay kinilalang si Roger Bonifacio, 25, at kasalukuyang naninirahan sa Banaba alley, Rd 10, Tondo ng naturang lungsod.
Lumalabas sa imbestigasyon, isang tauhan ng MPD ang naging poseur- buyer at nagpanggap na bibili ng illegal na droga kay Bonifacio, pero nakilala ng suspek ang asset na police kaya agad na binaril nito ang pulis ng dalawang beses.
Maswerte naman hindi tinamaan ang asset na pulis na gumanti rin ng putok na ikinamatay ng suspek.
Ayon sa asset na pulis, sa may pintuan ng kanyang bahay na may nakasulat na ‘DU30 Boss Roger’ nagaganap ang bilihan ng droga.
Sinabi naman Supt. Redentor Ulsano, hepe ng MPD station 1, labas-pasok na sa kulungan ang suspek sa kasong robbery-holdup at ngayon pinasok na rin ang pagbebenta ng bawal na gamot.
Isang paltik na baril ang nakuha sa tabi ng labi ng suspek at hindi pa mabatid na gramo ng pinaghihinalaang shabu.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.