6 na senior officers binalasa ni PNP chief Rommel Marbil
METRO MANILA, Philippines — Muling nagbalasa ng kanyang mga opisyal si Gen. Rommel Francisco Marbil, ang hepe ng Philippine National Police (PNP).
Tinanggal niya si Brig. Gen Kirby Kraft bilang director ng Caraga Police Regional Office at inilipat siya bilang hepe ng PNP Directorate for Personnel and Records Management.
Kapalit niya sa Caraga PRO ang director ng Highway Patrol Group, si Brig. Gen. Alan Nazarro, na papalitan naman ni Brig. Gen. Jay Cumigad ng galing sa Directorate for Plans.
BASAHIN: 3 mataas na opisyal inilipat ng posisyon sa pagbalasa ng PNP
Nailipat mula sa Central Luzon Police Regional Office sa Directorate for Comptrollership si Col. Rudencindo Reales.
Nagpalitan naman ng puwesto sina Col. Bernardo Perez ng Directorate for Information and Technology Management (DICTM) at Col. Edwin Quilates ng PNP Training Service.
Ito na ang pang-limang balasahan na ikinasa ni Marbil simula nang mahirang itong hepe ng PNP noong simula ng Abril.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.