Inaasahang posibleng ulanin ang magiging inagurasyon ni Rodrigo Duterte bilang bagong pangulo ng bansa mamaya.
Base sa weather forecast ng PAGASA, Miyerkules ng hapon, magiging maulap ang himpapawid na sasamahan ng mahina hanggang katamtamang pag-ulan na may pagkulog at pagkidlat sa Metro Manila.
Ito ay dala ng intertropical convergence zone (ITCZ) na umiiral sa Southern Luzon at Visayas.
Makakaranas rin ng pag-ulan na may kasamang kulog at kidlat sa Central Luzon, MIMAROPA, CALABARZON, Bicol Region, Northern Mindanao at Visayas.
Magkakaroon rin ng bahagyang maulap hanggang maulap na papawirin at pag-ulan sa iba pang bahagi ng bansa.
Mahina hanggang katamtamang lakas ng hangin naman mula sa kanluran patungong timog-kanluran ang iiral sa Mindanao ngayong araw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.