Pangulong Marcos Jr., naalarma sa missile tests ng North Korea

Jakarta, Indonesia – Nabahala si Pangulong  Marcos Jr., sa intercontinental ballistic missile test na ginagawa ng North Korea.

Sabi ni Pangulong Marcos Jr., dapat sumunod ang North Korea sa United Nation Security Council Resolutions. Ginawa ni Pangulong Marcos ang pahayag matapos ang sunod-sunod na ballistic missile tests ng North Korea sa palibot ng Korean Peninsula kung saan naalarma ang Japan at South Korea. Binigyang diin din ng Pangulo ang pag suporta ng Pilipinas sa isinusulong na  security initiatives sa pagitan ng ASEAN at  South Korea gaya ng Korean Solidarity Initiative Welcome rin kay Pangulong Marcos Jr., ang pagpapalakas sa policy dialogue on maritime affairs. Pinasalamatan ni Pangulong Marcos Jr., ang South Korea sa pag suporta sa Pilipinas sa gusot sa South China Sea.

TAGS: Asean, ballistic missile, Japan, north korea, Asean, ballistic missile, Japan, north korea