25 katao sugatan sa pamamaril sa sinehan sa Germany
Hindi bababa sa 25 katao ang nasugatan sa pamamaril ng isang lalaking nakasuot ng maskara sa isang sinehan sa bayan ng Viernheim sa Germany.
Ayon sa mga ulat ng German media, sinabi ng mga pulis na mayroong “threat situation” sa Kinopolis movie theater ngunit hindi pa sila makapagbigay ng iba pang detalye.
Ayon din sa ulat ng dpa news agency, sinabi ng Hesse Interior Ministry na napatay rin ng mga pulis ang suspek sa pamamaril.
Pinasok umano ng armadong suspek ang nasabing sinehan at saka ibinarikada ang sarili sa loob.
Kinordonan na ng mga pulis ang sinehan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.