Cash remittances ng OFWs tumaas noong Mayo
By Jan Escosio July 18, 2023 - 11:06 AM
Ibinahagi ng Bangko Sentral ng Pilipinas (BSP) na tumaas ang remittances mula sa mga Filipino na nagta-trabaho sa ibang bansa.
Sinabi ng BSP na ang cash remittances na idinaan sa mga bangko noong Mayo ay 2.8 porsiyento o may katumbas na $2.49 billion mula sa $2.43 noong Mayo ng nakaraang taon.
Ang ipinadala na cash ng OFWs noong Mayo na P2.67 billion ay pinakamataas simula noong Marso.
Ngunit ito naman ang pinakamabagal sa 2.8 porsiyento sa loob ng tatlong buwan.
Base sa datos ang land-based OFWs ay nagpadala ng $1.99 billion noong Mayo, mas mataas na 2.9% mula sa $1.93 billion noong Mayo 2022.
Samantala, ag sea-based OFWs naman ay nagpadala ng $506 million na mas mataas din kumpara sa $494 million sa katulad na buwan noong nakaraang taon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
