Nasa 243 rockfall events at pitong dome collapse pyroclastic density current events ang naging aktibidad ng Bulkang Mayon sa nakalipas na 24 oras.
Ayon sa Philippine Institute of Volcanology and Seismology (Phivolcs), dalawang lava front collapse pyroclastic density current events at on-going repetitive pulse tremor ang naitala sa bulkan.
Naging mabagal ang pagdaloy ng lava mula sa crater na may haba na 2.8 kilometro sa Mi-isi Gully at 1.3 kilometro sa Bonga Gully.
Nagkaroon din ng pagguho ng lava hanggang 3.3 kilometro at 4 kilometro sa Basud Gully.
Nasa 1,621 tonelada ng sulfur dioxide ang ibinuga ng bulkan, samantalang 500 metrong taas ang ibinugang plume.
Katamtaman ang naging pagsingaw nito at napadpad sa kanluran-timog-kanluran at kanluran-hilagang- kanluran.
Nanatili sa Alert Level 3 ang bulkan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.