Pugot na ulo na nakuha sa Jolo Cathedral, kumpirmadong kay Robert Hall – PNP
Kinumpirma na ng Philippine National Police (PNP) crime laboratory na sa kidnap victim na Canadian national na si Robert Hall nga ang na-recover na pugot na ulo sa Jolo Cathedral.
Ayon kay PNP crime laboratory director Emmanuel Aranas, sa pamamagitan ng isinagawang forensic at DNA testing sa specimen na nakuha sa ulo, positibong ito nga ay sa kidnap victim na si Hall.
Ani Aranas, naikumpara nila sa DNA profile ni Hall na galing pang Canada ang sample na nakuha sa ulo na ipinagkaloob ng Canadian Embassy.
Dahil dito, ikinukunsidera na umano ng PNP crime lab na sarado na ang usapin kung ang identification at pagkakilanlan ng biktimang si Hall ang pag-uusapan.
Samantala, idinepensa naman ni Aranas ang kahalagahan ng ginawang examination.
Ayon kay Aranas, bagaman makikilala na si Hall sa physical features nito ay kailangan pa rin umano ang ginawang testing para na rin sa ilalabas na death certificate ng biktima.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.