Magsasaka Partylist Rep. Robert Nazal nanumpa matapos iproklama ng Comelec
By Jan Escosio October 12, 2022 - 01:07 PM
Kinilala na ng pamunuan ng Mababang Kapulungan ng Kongreso si Robert Gerard Nazal Jr., bilang kinatawan ng MAGSASAKA Partylist.
Nanumpa si Nazal kay Judge Jose Paneda, ng QC RTC Branch 220 noong Lunes matapos maisyuhan ng Certificate of Proclamation ng Comelec bilang kuwalipikadong nominado ng MAGSASAKA Partylist.
Kasunod nito at bumisita si Nazal kina House Speaker Martin Romualdez sa Batasang Pambansa gayundin kina House Majority Leader Manuel Dalipe at Deputy Majority Leader Sandro Marcos.
Pinalitan ni Nazal si dating Rep. Argel Joseph Cabatbat.
Bago ito, nagkaroon ng panloob na isyu sa partylist sa pagitan nina Cabatbat at National Chairman Soliman Villamin na niresolba na ng Comelec.
Nagpalabas ang Comelec ng Certificate of Finality and Entry of Judgement na pumabor sa kampo ni Villamin.
Hindi din naglabas ng temporary restraining order (TRO) sa resolusyon ng Comelec en banc kayat idineklara na itong ‘final and executory.’
Base sa record ng Comelec, third nominee si Nazal ng partylist kasunod nina Villamin Jr., at King Cortez, na kapwa nagbitiw at binawi ang pagtanggap sa nominasyon kung kayat naging unang nominado na ang una.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.