CDO City at Bukidnon, 9 na oras mawawalan ng kuryente
Siyam na oras na mawawalan ng kuryente ang mga residente ng Cagayan de Oro City at Bukidnon ngayong araw ng Sabado, June 4.
Ayon sa National Grid Corporation of the Philippines (NGCP), ang magaganap na brownout ay dahil sa naka-takdang preventive maintenance para sa mga lugar na sakop ng serbisyo ng MORESCO-1.
Magsisimula ang scheduled power outage alas-8 ng umaga hanggang alas-5 ng hapon.
Ang gagawing preventive maintenance ay pata sa 10MVA (Mega Volt Ampere)Power Transformer sa CDO-Carmen Substation, at isasara rin muna ang CDO-Takalag 34.5KV (kilovolt) line.
Gagawin naman ng NGCP ang lahat para mabilis o mas maagang maibalik ang kuryente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.