DSWD, naglaan ng P4.4-M halaga ng ayuda para sa mga lugar na tinamaan ng #FloritaPH
Aabot sa P4.4 milyong halaga ng ayuda ang naipamahagi na ng Department of Social Welfare and Development (DSWD) sa mga biktima ng Bagyong Florita.
Ayon kay DSWD Secretary Erwin Tulfo, kabilang sa mga ipinamahagi ang food at non-food items.
Nasa P3.1 milyong halaga ang naipamahagi sa Region II habang ang natira ay ibinigay sa mga residenteng naapektuhan sa Regions I, III, Calabarzon at Cordillera Administrative Region (CAR).
Tinutulungan din ng DSWD ang local government units sa pagtugon ng pangangailangan ng evacuees.
Nabatid na nasa 669 na pamilya o 2,057 na indibidwal ang nanatili pa sa 36 evacuation centers sa Regions I, II, III, National Capital Region, at CAR.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.