Robredo sa hindi pagbibigay sa kanya ng Cabinet post: ‘Ok lang’
Walang problema para kay incoming Vice President Leni Robredo kung hindi man siya mabigyan ng posisyon sa magiging Gabinete ni incoming President Rodrigo Duterte.
Sa isang statement, sinabi ni Robredo na karapatan naman ni Duterte ang piliin kung sino ang nais nitong maging bahagi ng kanyang administrasyon.
Kahit wala aniyang posisyon, kanyang sisikapin na iparating sa taumbayan ang naipangako noong panahon ng kampanya.
Una nang sinabi ni Duterte na wala itong ibibigay na Cabinet position sa kanyang magiging vice president dahil personal niyang kaibigan ang natalong si Sen. Bongbong Marcos.
Sa ilalim ng kasalukuyang batas, walang obligasyon ang mga Pangulo ng bansa na bigyan ng posisyon sa kanyang Gabinete ang Pangalawang Pangulo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.