Walang Filipino nadamay sa Jordan gas leak – Ph Embassy
Iniulat ng Philippine Embassy sa Jordan na walang Filipino na napabilang sa mga biktima ng nangyaring chlorine gas leak sa Aqaba Port.
Napa-ulat na 12 katao ang nasawi at 251 iba pa ang nasaktan sa insidente.
‘To date, there are no reports of Filipinos included among the casualties,” ang pahayag ng Embahada.
Nabatid na nagsimula ang tagas nang bumagsak ang ibibiyaheng isang tangke na puno ng 25 tonelada ng chlorine gas.
Dadalhin sana ang tangke sa Djibouti nang maganap ang insidente.
Pinayuhan na rin ang mga Filipino sa Aqaba Port na sumunod sa mga bilin ng mga lokal na opisyal para matiyak ang kanilang kaligtasan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.