Nangangamba ang isang kilalang tagasuporta ni presumptive President-elect Rodrigo Duterte sa posibilidad na ‘malasing’ ito sa kapangyarihan sa oras na maupo na bilang pinuno ng bansa.
Sa kanyang mensahe, sinabi ni Ateneo de Davao University President Fr. Joel Tabora, SJ kay Duterte, hiniling nito irespeto ang batas at iwasang maging bahagi ng paggamit ng dahas upang makamit ang ninanais nitong pagbabago sa bansa.
“I hope that he remains true to his word that he will respect the laws of the land, he will not work outside of the law, that he will not work with death squads on a national scale, and therefore become a dictator that in hubris and excess may become a monster,” hiling pa ni Fr. Tabora.
Paliwanag pa nito, nakakahumaling ang pagkakaroon ng kapangyarihan at kahit sino ay posibleng matukso nito.
Gayunman, naniniwala si Fr. Tabora na magagampanan ni Duterte ang kanyang responsibilidad.
Samantala, sinabi naman ni Fr. Tabora na dapat gamiting pagkakataon ng Simbahang Katolika ang tensyon sa pagitan nito at ni Duterte upang magnilay-nilay sa sitwasyon.
Paliwanag nito, posibleng bumabanat lamang si Duterte dahil sa bumabanat din ang simbahan.
Mas makabubuti aniyang magtulung-tulong na lamang ang dalawang panig upang maiangat ang antas ng kabuhayan ng mga mahihirap na Pilipino.
Si Duterte ay dating mag-aaral ng Ateneo De Davao High School ngunit na-expel ito sa naturang paaralan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.