Pangulong Duterte nagpunta sa burol ni Susan Roces
Dumalaw kagabi si Pangulong Duterte sa burol ni Queen of Philippine Movies Susan Roces sa Heritage Park, Taguig City.
Kasama ni Pangulong Duterte sina Executive Sec. Salvador Medialdea at Sen. Christopher Go.
Sinalubong naman sila ni Sen. Grace Poe at aniya pinahahalagahan ng kanilang pamilya ang kabutihang-loob na magbigay-pugay ang Punong Ehekutibo sa kanyang ina.
Hindi naman nagtungo sa Kamara si Pangulong Duterte para sa proklamasyon nina President-elect Bongbong Marcos Jr., at Vice President-elect Sara Duterte.
Nabatid na matapos ang kanyang mga trabaho sa Malakanyang ay nagtungo na si Pangulong Duterte sa burol ni Roces, na namayapa noong nakaraang araw ng Sabado.
Ilang mga opisyal ng gobyerno at kaibigan sa mundo ng showbiz ang nagbigay na ng kanilang huling respeto sa namayapang 80-anyos na maybahay ni Da King Fernando Poe Jr.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.