Matinding traffic sa NLEX aasahan sa Linggo dahil sa event ng INC
Nagpa-abiso na ang Iglesia ni Cristo (INC) hinggil sa matinding traffic na maaaring maidulot sa North Luzon Expressway (NLEX) ng isasagawa nilang evangelical mission sa Linggo, May 22.
Ayon sa INC, ngayon pa lamang humihingi na sila ng paumanhin sa publiko sa abala na maaring maranasan nila sa kahabaan ng NLEX.
Sa Linggo, simula alas 8:00 ng umaga ay magtitipon-tipon ang mga delegado mula sa iba’t ibang kongregasyon sa bahagi ng Ciudad de Victoria sa Bulacan.
Pamumunuan kasi ni INC Executive Minister Eduardo Manalo ang isang evangelical mission sa Philippine Arena.
Ayon sa INC, maaring makaranas ng heavy traffic sa NLEX dahil sa nasabing event./ Dona Dominguez-Cargullo
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.