Mga petisyon sa P213 – P250 taas sahod sa Metro Manila workers inaaral na

By Jan Escosio April 06, 2022 - 07:22 AM

Pinag-isa na ng Regional Tripartite Wages and Productivity Board ang tatlong petisyon para sa umento sa daily minimum wage ng mga manggagawa sa Metro Manila.

 

Ito ang sinabi ni DOLE – National Capital Region Dir. Sarah Buena Mirasol at aniya ang tatlong petisyon ay para sa umento na P213 hanggang 250.

 

Ayon pa sa namumuno ng wage board, wala pa silang aksyon sa petisyon na across-the-board wage adjustment na P470 na inihain naman ng Trade Union Congress of the Phils. (TUCP).

 

Paliwanag nito hindi sakop ng wage board ang ‘across the board wage increase’ at hindi rin ayon sa Republic Act 6727.

 

Ibinahagi naman ni Mirasol na may bagong petisyon ang TUCP at bagamat hindi na ito ‘across-the-board,’ katulad pa rin ang hinihingi na umento.

 

Nakatakda nang magsagawa ng konsultasyon ang wage board sa sektor ng paggawa sa darating na Biyernes, Abril 8 at masusundan sa Abril 19 para naman sa grupo ng mga negosyante.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.