Iboto ang itutuloy ang Duterte programs – Sen. Bong Go
Sa papalapit na eleksyon, hinikayat ni Senator Christopher Go ang mga boto na piliin ang mga kandidato na itutuloy ang mga magagandang programa at polisiya ng administrasyong-Duterte.
“Ngayong nalalapit na ang pagtatapos ng termino ni Pangulong Rodrigo Duterte, umaapela ako sa mga kapwa ko Pilipino na tiyakin na ang pipiliin nilang bagong lider ay maipagpapatuloy ang kanyang magagandang nagawa,” sabi ng senador.
Katuwiran niya sa kanyang apila, sa ganitong paraan ay matitiyak ang mas ligtas at mas komportableng buhay para sa sambayanan.
Isa sa mga ito, ayon kay Go, ay ang pagpapabuti ng public healthcare system sa bansa.
“Ipinagpapatuloy ko pa rin ang mga pagsisikap para mapalakas lalo ang ating healthcare system sa buong bansa,” aniya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.