Baha sa isang kalsada sa Eastern Samar, humupa na; Maari nang daanan ng mga motorista
Maari nang madaanan ng mga motorista ang isang kalsada sa Eastern Samar.
Ayon sa Department of Public Works and Highways (DPWH) Eastern Samar district engineering office, humupa na ang baha sa isang road section ng isang highway sa Barangay Bigo sa Arteche bandang 6:00, Lunes ng umaga.
Naunang inabisuhan ang mga motorista na pansamantalang dumaan sa mga alternatibong ruta dahil sa baha.
Nakaranas ng pagbaha ang naturang lugar bunsod ng walang tigil na pag-ulan sa naturang rehiyon nitong mga nakalipas na araw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.