‘Walk-ins’ puwede sa mga bakunahan sa botika, pribadong klinika
Pinapayagan na ang ‘walk-ins’ na magpaturok ng COVID 19 vaccines sa mga botika at private clinics.
Ito ang sinabi ni vaccine czar Carlito Galvez Jr., na agad naman nilinaw na ang pagpapaturok sa mga ‘walk-ins’ ay gagawin kung mayroon pang bakuna.
Aniya uunahin pa rin sa mga bakunahan sa botika at pribadong klinika ang mga nagpa-rehistro para sa bakuna.
Kayat hinihikayat niya ang mga hindi pa bakunado na magpa-rehistro o magtungo sa mga itinalagang vaccination sites, kung saan malaki ang alokasyon ng bakuna.
“As much as possible, kapag first dose siya pwede naman ma-accommodate sa clinic kasi mayroon silang mga doktor at response team,” ayon pa kay Galvez.
May pitong botika at klinika sa Metro Manila na naitalaga sa ‘Resbakuna sa Botika’ program.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.