PNP nagdagdag ng quarantine facilities, beds sa loob ng Camp Crame
Nagdagdag ang Philippine National Police (PNP) ng karagdagang quarantine facilities at beds sa loob ng Camp Crame Headquarters sa Quezon City.
Kasunod ito ng patuloy na pagtaas ng bilang ng mga PNP personnel na tinatamaan ng COVID-19.
“The PNP added 80 beds at Training Service facility while additional 100 beds were placed at the Badminton Court to fully accommodate PNP personnel who tested positive of the virus”, pahayag ni PNP Chief, Police General Dionardo Carlos.
Dagdag nito, “We are adding more quarantine beds as a proactive measure just in case there will be more personnel who will need to undergo quarantine.”
Samantala, nananatili naman ang Kiangan Emergency Treatment Facility bilang primary quarantine facility sa Camp Crame para sa mga pasyenteng apektado ng nakahahawang sakit.
Ani Carlos, maaring sumailalim sa home quarantine ang mga asymptomatic personnel ngunit kailangang magsumite ng regular body conditions sa monitoring medical team.
Sa datos ng PNP Health Service hanggang Martes, January 11, 537 ang bagong naitalang kaso sa pambansang pulisya.
Bunsod nito, umabot na sa 43,992 ang kabuuang kaso ng COVID-19 sa PNP, habang 41,455 naman ang COVID-19 recoveries.
“Hindi rin po tayo tumitigil sa pagbibigay ng booster shots upang mas lalong malabanan ang naturang virus,” saad ni Carlos at dagdag nito, “With the rising number of positive cases in the police force, rest assured that our operational capabilities and performance will not hampered.”
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.