May alok ang pamunuan ng Metro Rail Transit Line 3 (MRT-3) na libreng sakay sa Rizal Day o December 30, 2021.
Paliwanag ng MRT-3, bahagi ito ng kanilang pakikiisa sa paggunita at pag-alala ng buong bansa sa kabayanihan ni Gat Jose Rizal.
Maaring ma-avail ang libreng sakay ng publiko simula 7:00 hanggang 9:00 ng umaga at mula 5:00 ng hapon hanggang 7:00 ng gabi.
Paalala sa publiko, aalis ang unang tren ng MRT-3 mula sa North Avenue station bandang 4:40 ng umaga, habang 5:26 ng umaga naman ang mula sa Taft Avenue station.
Bibiyahe naman ang huling tren mula sa North Avenue station ng 9:30 ng gabi at mula sa Taft Avenue station ng 10:16 ng gabi.
Tiniyak ng pamunuan ng MRT-3 na mapapanatili ang pagsunod sa minimum public health standards sa buong linya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.