P54-M halaga ng kontrabando, nasamsam sa Quiapo

By Angellic Jordan November 16, 2021 - 03:22 PM

Nasabat ng Bureau of Customs (BOC) ang ilang pekeng produkto sa isang warehouses sa bahagi ng 7th floor QQ Mall sa Quiapo, Manila noong November 15.

Sa bisa ng Letter of Authority (LOA) na inilabas ni Commissioner Rey Leonardo Guerrero, nadiskubre ng ahensya sa pamamagitan ng Port of Manila-District Office (POM-DO), Intellectual Property Rights Division–Customs Intelligence and Investigation Service (IPRD-CIIS) sa ilalim ng Intelligence Group, Philippine Coast Guard (PCG), at Armed Forces of the Philippines ang mga kontrabando.

Sa isinagawang inspeksyon, tumambad ang iba’t ibang kagamitan na may tatak na Regatta, Penshoppe, Oxygen/Oxgn, Nike, Tommy Hilfiger, Adidas, Prada at iba pa.

Tinatayang aabot sa P54,000,000 ang halaga ng mga kontrabando.

Posible itong maharap sa kasong paglabag sa Republic Act 10863 o Customs Modernization and Tariff Act (CMTA) at Republic Act 8293 o Intellectual Property Code of the Philippines (IPCP).

Nag-ugat ang implementasyon ng LOA mula sa reklamo ng kumpanyang Golden ABC, Inc., ang rehistradong brand owner ng Regatta, Penshoppe, at Oxygen/Oxgn, na nagbigay impormasyon ukol sa pasilidad.

TAGS: BOC, CounterfeitGoods, InquirerNews, QQMall, RadyoInquirerNews, BOC, CounterfeitGoods, InquirerNews, QQMall, RadyoInquirerNews

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.