Dating aide ni Sen. Pacquiao, may sagot kay Annabelle Rama
Tinawag ni Jayke Joson, dating kasamahan at kaibigan ni Senador Manny Pacquiao, na ‘liar’ ang talent manager na si Annabelle Rama.
Kasunod ito ng naging pahayag ni Rama na ninakawan umano ni Joson at businessman na si Arnold Vegafria ng P140 milyon ang Presidential aspirant.
Ayon sa dating film producer, hindi na nakakagulat ang pagkakalat ni Rama ng ‘false claim’ dahil nais lamang aniya nitong sirain ang kaniyang kredibilidad.
“She [Annabelle Rama-Gutierrez] should be ashamed of herself for telling those lies,” ani Joson at dagdag nito, “Look who’s talking? In the first place, I don’t have any past issues and estafa cases from anyone just like Anabelle. All those were just absolute lies to malign my personality.”
Tinukoy ni Joson ang diumano’y nakabinbing swindling at estafa cases ni Rama sa Manila Regional Trial Court (Case Nos. Q-8188-89, Q-8250,21866, 93-128840-45 at 23719).
“I wasn’t shocked by her revelations since it came from her. So it’s just like same feathers that flock together, they are both same swindler,” pahayag pa ni Joson.
Iginiit nina Joson at Vegafria na ang perang nakuha nila kay Pacquiao ay parte ng kanilang komisyon mula sa lahat ng sponsorship na dinala nila kaya wala anilang ideya si Rama sa inihahayag nito laban sa kanila.
“I am challenging them to back up all their accusations otherwise I will sue them in court,” banat pa nito.
Nitong Miyerkules, October 20, idinetalye ni Rama sa Twitter kung paano sinamantala umano ni Joson si Pacquiao.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.