Benepisyo at proteksyon sa mga education frontliners dapat pagtibayin – teachers; groups
Nagsamasama ang mga grupo, asosasyon, pederasyon at union ng mga guro, kasama ang Civil Society for Educational Reform (E-Net Philippines) sa paggunita ng World Teachers’ Day.
Sinabi ni Violeta Fernandez, ng Public Services Labor Independent Confederation (PS-LINK) na mas nanaisin pa ng mga guro na tugunan ng gobyerno ang kanilang mga hinaing at pangangailangan sa halip na bigyan ng medalya o plake bilang pagkilala sa kanila.
Ipinaghimutok din nito ang ‘red tagging’ sa mga grupo ng mga guro at hiniling sa DepEd na respetuhin ang mga karapatan ng education frontliners.
Anila marami ng guro ang tinamaan ng COVID 19 at may mga namatay na rin sa pagtupad sa kanilang mga tungkulin, may mga nakakakaranas na ng depresyon at pagod na, gayundin ang kanilang mga estudyante at non-teaching personnel.
” These cases are not reported. DepEd has yet to check on the teachers and non-teaching personnel affected by the coronavirus. Principals and school superintendents are not reporting on this; they are mum on the issue because they do not want to be blamed for the problem they created by forcing teachers to report to school. While medical benefits are not extended to those teachers who need it,” sabi naman ni Fidel Fababier ng Action and Solidarity for the Empowerment of Teachers (ASSERT).
Sinabi naman ni Prof. Flora Arellano, pangulo ng E-Net Phils., kailangan ang mas konkretong hakbang ng gobyerno para pagtibayin ang naiaambag ng mga guro sa pagtugon sa pandemya.
“We salute all teachers. But we need to act now in order to save our education frontliners,” diin ni Arellano.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.