Domestic ops ng Bicol International Airport, sisimulan na sa Oct. 7
Matapos ng 11 taong pagkaantala bago magsimula ang administrasyong Duterte, sisimulan na ang operasyon at tatanggap na ng commercial domestic flights ang Bicol International Airport (BIA) sa Daraga, Albay sa araw ng Huwebes, October 7.
Pinangunahan ni Transportation Secretary Art Tugade ang inspeksyon ng gateway noong October 3.
“Pinagdudahan ako rito kaya I took it as a personal challenge,” pahayag ng kalihim.
Dagdag nito, “Construction works for the BIA were delayed for 11 years. It went through 3 groundbreaking ceremonies prior to this administration. Habang itinatayo natin, nagkaroon pa ng mga arson incidents! Now, construction of the Bicol International Airport is almost complete.”
Base sa datos hanggang October 3, nasa 92.56 porsyento na ang overall progress rate ng naturang paliparan.
Samantala, nakatakda namang iposisyon ang passenger boarding bridge ng paliparan sa October 5.
“We are happy to announce that the Bicol International Airport is now nearing completion and will be ready to serve domestic air passengers by October 7. Secretary Tugade and the CAAP are focused on this project and we intend to deliver as promised,” ani CAAP Chief of Staff and Airport Projects Team Head Danjun Lucas.
Dagdag pa nito, “The BIA shall also be ready for international operations by November 7, subject to airline’s application/intent to operate international flights.”
Oras na maging fully operational, inaasahang kayang makapag-accommodate ng BIA ng kabuuang dalawang milyong pasahero kada taon.
Nagbukas ang konstruksyon ng paliparan ng 755 trabaho.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.