Paglalabas ng voter’s certification, suspendido mula Sept. 27 hanggang 30
Pansamantalang sususpindehin ng Commission on Elections (Comelec) ang paglalabas ng voter’s certification sa lahat ng Office of the Election Officer mula September 27 hanggang 30, 2021.
Layon nitong matutukan ang huling linggo ng voter registration.
“The Commission anticipates an influx of last-minute registrants as we get closer to the deadline. And given the limited number of field personnel, we must endeavor to make the full use of our limited manpower and resources incatering to applicants for voter registration,” paliwanag ni Comelec spokesperson James Jimenez.
Gayunman, hindi naman maaapektuhan ang paglalabas ng voter’s certification sa main office ng Comelec sa Intramuros, Maynila.
Maaring makakuha ng voter’s certification ang mga registradong botante sa National Central File Division (NCFD) satellite office ng ahensya.
Upang makapag-apply nito, kailangan lamang ng valid ID, kopya nito, at bayad na P75.
Libre naman ito sa mga senior citizen, taong may kapansanan, miyembro ng Indigenous People (IP) and Indigenous Cultural Communities (ICCs), at solo parent.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.