Limited face-to-face classes sa post graduate schools, isinusulong ni Sen. Tolentino
Hiniling ni Senator Francis Tolentino sa gobyerno na payagan ang limited face-to-face classes sa fully vaccinated post-graduate students.
Ayon kay Tolentino, wala siyang nakikitang problema kung may limited face-to-face classes sa mga graduate school at law school basta natapos na ng estudyante ang dalawang dose ng COVID-19 vaccine.
Kailangan lang din na masunod ang minimum health protocols na itinakda ng Inter-Agency Task Force (ITAF).
Katuwiran pa niya, karamihan sa post-graduate students ay nagtatrabaho na at maari na silang bakunahan.
Gayundin aniya, dapat ay fully vaccinated na rin ang school officials at faculty members bago makapagsagawa ng face-to-face classes.
Noong Pebrero, pinayagan ni Pangulong Duterte na magkaroon ng limited face-to-face classes sa medical schools at health science institutions.
Nabanggit din ng senador ang pagpabor ng National Economic and Development Authority (NEDA) ang unti-unting pagbabalik ng face-to-face classes ngayon taon sa katuwiran na lubhang naapektuhan ang kalidad ng edukasyon sa bansa sa pagkasa ng blended learning system.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.