White House, under ‘lockdown’ dahil sa inihagis na personal na gamit sa compound
Sa ikalawang pagkakataon, inilagay sa ‘lockdown’ mode ng US Secret Service ang White House, Miyerkules matapos ihagis ng isang hindi nakilalang lalake ang kanyang mga personal na gamit sa compound ng official residence ng Pangulo ng Amerika.
Agad namang nagsagawa ng paggalugad ang mga tauhan ng Secret Service Uniformed Division sa lugar kung saan inihagis ng lalake ang kanyang mga personal na kagamitan.
Agad namang inaresto ang hindi kinilalang suspek matapos ang insidente.
Napag-alaman na nasa loob ng White House si US President Barack Obama nang maganap ang security breach.
Nitong nakalipas lamang na Martes, isa pang lalake ang inaresto rin ng Secret Service matapos talunin ang balod ng Eisenhower Executive Building na nasa lugar din ng White House.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.