Mahigpit pa ring ipinatutupad ng Mababang Kapulungan ng Kongreso ang health at security protocols, ilang oras bago ang ika-anim at huling State of the Nation Address (SONA) ni Pangulong Rodrigo Duterte.
Matapos mag-adjourn ang sesyon, agad na nagsagawa ng disinfection sa plenaryo ng Kamara.
Nakasuot ng PPE ang mga nag-disinfect.
Mayroon namang nakalagay na alcohol sa bawat lamesa ng mga mambabatas.
Sa ngayon, may ilan pang sumasailalim sa COVID-19 antigen testing.
Sakaling mayroong magpositibo, hindi ito papayagang makapasok at pauuwiin o dadalhin sa pinakamalapit na ospital.
Mayroon ding nakatalagang security personnel kasama ang K9 unit na nag-iinspeksyon sa loob ng session hall bilang bahagi ng security protocols sa SONA ng Punong Ehekutibo.
Inaasahang mas hihigpitan ang seguridad dakong 2:00 ng hapon bilang paghahanda sa pagdating ng Pangulo sa Batasan Complex.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.