Ilang indibiduwal sa isang bar sa QC, inaresto; Bar, ipinasara
Naglabas ng temporary closure ang Quezon City government, sa pangunguna ng Business Permits and Licensing Department, sa G-Side Nightclub sa bahagi ang Tomas Morato Avenue at Ciso’s Gastrobar sa Del Monte Avenue.
Ito ay matapos kumalat ang ilang larawan at video ng customers nito kung saan makikitang nagpa-party habang walang suot na face masks at hindi nasusunod ang social distancing.
“The patrons of these bars even had the audacity to post in social media their wanton violation of health and safety protocols, oblivious to the fact that there are more transmissible variants now and public safety remains at risk,” pahayag ni Mayor Joy Belmonte said.
“We support economic recovery and job creation but these should not be at the expense of public health. We will not hesitate to close down establishments if and when we find out these businesses are venues of super spreader events,” ayon naman kay BPLD Head Margie Santos.
Hinuli ng Quezon City Task Force Disiplina, katuwang ang Quezon City Police District, ang ilang indibiduwal na nag-ooperate sa bars at clubs sa ginawang inspeksyon sa Barangay Paligsahan at Timog noong July 9.
Naaresto ang club manager, mga empleyado at club guests ng Chapparal KTV Ventures Inc. habang nasagip naman ang 10 women workers at dinala sa QCPD Women’s Desk.
Nag-isyu ang mga awtoridad ng Ordinance Violation Receipts laban sa 55 empleyado ng Baia Luna KTV Bar sa Timog Avenue dahil sa paglabag sa public health protocols.
Nag-inspeksyon din ang mga awtoridad sa mga kalapit na club at resto bar, kung saan nahuli rin ang ilang indibiduwal na sangkot sa operasyon ng mga establisyemento dahil sa hindi pagsunod sa quarantine protocols.
Base sa pinakahuling General Community Quarantine (GCQ) guidelines ng lungsod, hindi pa maaaring magbalik operasyon ang mga bar, club, at iba pang entertainment at leisure centers.
“We will file appropriate charges against the owners of these bars and clubs at the city prosecutor’s office for violating the GCQ guidelines set by the national and local government,” ani TF Disiplina head Ranulfo Ludovica.
Dagdag nito, “Patuloy tayong magsasagawa ng operation at inspection sa mga establisimyentong ito dahil napakaraming violations ng mga ito, at hindi tayo titigil hangga’t maraming sumusuway sa ating protocols.”
Muli namang hinikayat ni Mayor Belmonte ang publiko na sundin ang quarantine protocols, “Lagi po namin pinapaalalahanan ang ating mga residente na sundin ang health protocols and guidelines, kapag bawal –bawal talaga. No one is exempted from the law, any person who will violate our protocols will be apprehended or will face charges.”
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.