Publiko, binalaan ng LTO ukol sa bogus Facebook page
Nagbabala ang Land Transportation Office (LTO) sa publiko ukol sa mga bogus na Facebook page.
Tinukoy ng ahensya ang Facebook page na “LTO License Assistance Center” na nag-aalok ng pekeng driver’s license sa mga aplikante.
Ayon sa LTO, hindi awtorisado at hindi konektado sa ahensya ang nasabing mapanlinlang na Facebook page.
Hinihikayat ng bogus na Facebook page ang mga motorista na hindi kumuha at sumipot sa mismong sa driver’s license examination kapalit ang halagang P3,500 hanggang P6,500 processing fee.
Giit ng LTO, malinaw na isa itong paglabag.
Pinag-iingat ang publiko na huwag tangkilikin ang alok na serbisyo ng pekeng Facebook page o sinumang indibidwal sa labas ng tanggapan ng LTO.
Paalala pa ng ahensya, huwag din basta-bastang ibibigay ang mga personal at pribadong detalye sa mga hindi awtorisadong indibidwal o tanggapan.
Sakaling makakita ng kahalintulad na panloloko, maaring i-report sa LTO sa LTO Assistance Center:
https://m.facebook.comOfficialLTOlicenseassistance/
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.