#BisingPH napanatili ang lakas habang kumikilos sa Silangang bahagi ng Aurora
Napanatili ang lakas ng Typhoon Bising habang kumikilos sa Silangang bahagi ng Aurora, ayon sa PAGASA.
Sa severe weather bulletin ng PAGASA bandang 5:00 ng hapon, huling namataan ang sentro ng bagyo sa layong 475 km Silangan ng Baler, Aurora dakong 4:00 ng hapon.
Taglay nito ang lakas ng hanging aabot sa 175 kilometers per hour malapit sa gitna at pagbugsong aabot sa 215 kilometers per hour.
Mabagal nitong tinatahak ang direksyon Hilaga Hilagang-Kanluran.
Dahil dito, nakataas pa rin ang Tropical Cyclone Wind Signal sa mga sumusunod na lugar:
Signal no. 2:
– Eastern portion ng Cagayan (Santa Ana, Gonzaga, Baggao, Gattaran, Lal-Lo, Peñablanca, Santa Teresita, Buguey, Camalaniugan, Aparri)
– Eastern portion ng Isabela (San Pablo, Maconacon, Divilacan, Ilagan, Palanan, San Mariano, Dinapigue)
– Northern portion ng Aurora (Dilasag)
– Catanduanes
Signal no. 1:
– Batanes
– Nalalabing bahagi ng Cagayan kabilang ang Babuyan Islands
– Nalalabing bahagi ng Isabela
– Quirino
– Apayao
– Kalinga
– Eastern portion ng Mountain Province (Barlig, Natonin, Paracelis, Sadanga, Bontoc)
– Eastern portion ng Ifugao (Banaue, Lagawe, Mayoyao, Aguinaldo, Alfonso Lista, Hingyon)
– Northeastern portion ng Nueva Vizcaya (Diadi)
– Central portion ng Aurora (Casiguran, Dinalungan, Dipaculao, Baler)
– Eastern portion ng Quezon (Calauag, Guinayangan, Tagkawayan) kasama ang Polillo Islands
– Camarines Norte
– Camarines Sur
Sinabi ng weather bureau na patuloy na mararanasan ang mahina hanggang katamtaman na kung minsan ay malakas na pag-ulan sa Camarines Provinces, Catanduanes, at eastern portion ng Quezon.
Patuloy na kikilos ang bagyo pa-Hilaga o Hilaga Hilagang-Kanluran hanggang sa Huwebes ng umaga o hapon, April 22.
Ayon sa PAGASA, posibleng lumabas ang bagyo ng Philippine Area of Responsibility sa Linggo ng umaga, April 25.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.