Galvez, aminadong naantala ang pagdating ng COVID-19 vaccines sa bansa
Aminado si vaccine czar Carlito Galvez Jr. na naantala ang pagdating ng mga bakuna kontra COVID-19 sa bansa.
Marso 24, nakatakdang dumating sa bansa ang halos isang milyong doses ng bakuna na gawa ng AstraZeneca.
Ayon kay Galvez, nagkaroon ng restrictions o constraint o paghihigpit sa global logistics.
Naging prayoridad aniya ng mga bansang gumagawa ng bakuna na unahin munang mabakunahan ang kanilang mga mamamayan kung kaya hindi pa makapag-deliver sa ibang bansa.
Gayunpaman, sinabi ni Galvez na pinanghahawakan pa rin nila ang commitment ng COVAX facility at World Health Organization na makapagde-deliver sa bansa sa Abril ang AstraZeneca.
Bukod dito, mayroon din aniyang inaasahang delivery na 2.6 milyong doses sa Mayo mula sa procurement o mga binili ng pribadong sektor.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.