BREAKING: Kaso ng COVID-19 sa Pilipinas sumampa na sa 671,000; 8,019 bagong record high
Pumalo sa 8,019 ang panibagong napaulat na kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) araw ng Lunes (March 22), pumalo na sa 671,792 ang confirmed cases ng nakakahawang sakit sa bansa.
Sa nasabing bilang, 80,970 o 12.1 porsyento ang aktibong kaso.
Ito ang pinakamataas na naitalang kaso ng COVID-19 sa isang araw simula ng pandemya.
Samantala, 95.4 porsiyento sa active COVID-19 cases ang mild; 2.2 porsyento ang asymptomatic; 0.52 porsyento ang moderate; 1.0 porsyento ang severe habang 0.9 porsyento ang nasa kritikal na kondisyon.
Nasa apat naman ang napaulat na nasawi kayat umakyat na sa 12,972 o 1.93 porsyento ang COVID-19 related deaths sa bansa.
Ayon pa sa DOH, 103 naman ang gumaling pa sa COVID-19.
Dahil dito, umakyat na sa 577,850 o 86.0 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.