BREAKING: Kaso ng COVID-19 sa Pilipinas, sumampa na sa higit 521,000
Halos 2,000 ang panibagong kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Biyernes (January 29), umabot na sa 521,413 confirmed cases ng nakakahawang sakit sa bansa.
Sa nasabing bilang, 35,048 o 6.7 porsyento ang aktibong kaso.
Sinabi ng kagawaran na 1,849 ang bagong napaulat na kaso ng COVID-19 sa bansa.
85.0 porsyento sa active COVID-19 cases ang mild; 9.5 porsyento ang asymptomatic; 0.46 porsyento ang moderate; 2.2 porsyento ang severe habang 2.9 porsyento ang nasa kritikal na kondisyon.
Nasa 48 naman ang napaulat na nasawi.
Dahil dito, umakyat na sa 10,600 o 2.03 porsyento ang COVID-19 related deaths sa bansa.
Ayon pa sa DOH, 177 naman ang gumaling pa sa COVID-19.
Dahil dito, umakyat na sa 475,765 o 91.2 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.